Spring ਬਸੰਤ-ਬਹਾਰ
ਹੌਲ਼ੀ ਹੌਲ਼ੀ ਬਹਾਰ ਹੈ ਆ ਰਹੀ ...
ਸਾਵੇ ਪੱਤਰਾਂ ਦੀ ਹਰਿਆਲੀ -
ਹਰ ਪਾਸੇ ਹੈ ਛਾ ਰਹੀ।
ਜਗ੍ਹਾ ਜਗ੍ਹਾ ਪੀਲ਼ੇ ਫੁੱਲਾਂ ਦੀ ਭਰਮਾਰ ਹੈ।
ਹਰ ਕੋਈ ਖ਼ੁਸ਼ੀ ਨਾਲ਼ ਸਰਸ਼ਾਰ ਹੈ।
ਲਾਲ, ਪੀਲੇ ਤੇ ਚਿੱਟੇ ਗੁਲਾਬ ਦੇ ਫੁੱਲ -
ਪਿਆਰ, ਦੋਸਤੀ ਤੇ ਅਮਨ ਦੇ ਪ੍ਰਤੀਕ ਨੇ!
ਸਾਡੀਆਂ ਖ਼ੁਸ਼ੀਆਂ, ਖੇੜਿਆਂ ਤੇ
ਦੁੱਖ-ਸੁੱਖ ਵਿੱਚ ਹਰ ਵਕਤ ਸ਼ਰੀਕ ਨੇ।
ਖਿੜੇ ਹੋਏ ਫੁੱਲ
ਹਰ ਪਾਸੇ ਆਪਣੇ ਰੰਗ ਨੇ ਫੈਲਾਉਂਦੇ।
ਕੁਦਰਤ ਦੇ ਕੈਨਵਸ ‘ਤੇ
ਖੂਬਸੂਰਤ ਚਿੱਤਰ ਨੇ ਵਾਹੁੰਦੇ।
ਇਹ ਹੈ ਬਸੰਤ -
ਬਹਾਰ ਦਾ ਨਿੱਘਾ ਮੌਸਮ!
ਧੁੱਪ-ਭਰੇ, ਪਿਆਰੇ ਦਿਨ
ਰੰਗਾਂ ਨਾਲ਼ ਸ਼ਿੰਗਾਰੇ ਦਿਨ!
~ ਅਮਨਦੀਪ ਸਿੰਘ
