Flower ਤ੍ਰੇਲ ਧੋਤੇ ਫੁੱਲ
ਅਸੀਂ ਫੁੱਲ ਹਾਂ ਸੋਹਣੇ ਬਾਗ਼ ਦੇ
ਹਰ ਪਲ ਖਿੜਦੇ ਰਹਿਣਾ ਹੈ
ਆਪਣੀ ਮਿੱਠੀ ਖ਼ੁਸ਼ਬੂ ਨਾਲ
ਨਵਾਂ ਸੰਸਾਰ ਵਸਾਉਣਾ ਹੈ
ਨਵੀਂ ਦੁਨੀਆ
ਨਵੇਂ ਹੋਣਗੇ ਦਿਲ -
ਤ੍ਰੇਲ ਧੋਤੇ ਫੁੱਲਾਂ ਵਾਂਗ
ਅਸੀਂ ਖਿੜ ਜਾਣਾ ਹੈ
ਇਸ ਧਰਤੀ ਨੂੰ
ਸ਼ਬਨਮ ਨਾਲ ਨਹਿਲਾਉਣਾ ਹੈ !
ਪਿਆਰ ਦੀ ਡਾਲੀ ਨਾਲ ਲੱਗ ਕੇ
ਉਸ ਵਿੱਚ ਸਮਾ ਜਾਣਾ ਹੈ
ਤੇ ਨਵੀਆਂ ਡਾਲੀਆਂ ਬਣਕੇ
ਪੁੰਗਰਨਾ ਹੈ !
ਤ੍ਰੇਲ ਧੋਤੇ ਫੁੱਲਾਂ ਵਾਂਗ
ਅਸੀਂ ਖਿੜ ਜਾਣਾ ਹੈ
ਮਿੱਠੀ-ਮਿੱਠੀ ਖ਼ੁਸ਼ਬੂ ਬਣਕੇ
ਸਾਰੇ ਬ੍ਰਹਿਮੰਡ ਵਿੱਚ ਫੈਲਣਾ ਹੈ !